مدح امام حسین ع
سایه نشیندی عرش حق قبه ی شاهانه سینه
دالدالانور هور و ملک مرقدینین سایه سینه
صدره نشیندی خلقته واردی عجب جلالتی
محال امریدور یئته کون و مکان پایه سینه
جام وصالوندن ایچیب جرعه بو خیل عاشقان
گردش مستانه ائدیر محور میخانه سینه
رسمیدی کل ساقیلر بوندان آلوب سقایتی
گوزلرینی تیکوبله چون ساغر و پیمانه سینه
شاه بودور ماه بودور آیه تحسین بودور
جمله جهان فدا اولا قامت جانانه سینه
بیر بئله عالمه گلوب گرچه شهنشاه بزرگ
کیمدی گوروب دعوت ائده سائلی اوز خانه سینه
فخر بودور عقل بودور زینت مخلوق بودور
بهت دوتار عقل جهان رتبه ی دیوانه سینه
قامتی قائم هرزمان قدی قیامت هرزمان
مات قیامت دی بونون هیبت هنگامه سینه
عشق حسین نور حسین نور علی النور حسین
شمع حسیندی لیک باخ هجمه ی پروانه سینه
ای ایشی مشکلده قالان حل اولاجاخ حوائجون
آند اگر وئرسن اونی دختر دردانه سینه
باراللهی من نئجه تاب ایلیوم فراقونه
طائر روحوم ایلیور هر دم هوس دانه سینه
- یکشنبه
- 15
- اسفند
- 1400
- ساعت
- 9:2
- نوشته شده توسط
- طائر
- شاعر:
-
طائر اورنگی
ارسال دیدگاه